२४ घण्टामा ६ हजार ८९१ जना कोरोना संक्रमणमुक्त

आर्थिकन्यूज
मंगलबार, ०४ जेठ २०७८

काठमाडौं । गत २४ घण्टामा ६ हजार ८९१ जना कोरोना संक्रमणमुक्त भएका छन् । पछिल्लो २४ घण्टामा १९६ जनाको मृत्यु भएकोस्वास्थ्य तथा जनसंख्या मन्त्रालय जनाएको छ । त्यस्तै पछिल्लो २४ घण्टामा थप ८ हजार २०३ जनामा कोरोना संक्रमण पुष्टि भएको छ ।

मंगलबार भने पीसीआर विधिबाट २०२८६ र एन्टिजेन विधिबाट ६९३ जनाको स्वाब परीक्षण भएकोमा कुल ८२०३ जनामा संक्रमण पुष्टि भएका हुन।

यस्तै कोरोनाभाइरसबाट संक्रमित हुनेको संख्या ४ लाख ७२ हजार ३५४ पुगेको छ । हाल कोरोना निको हुनेदर ७४.६ प्रतिशत रहेको मन्त्रालयले जनाएको छ ।