थप ६०८५ जनामा कोरोना संक्रमण, ६८९८ जना निको भए

आर्थिकन्यूज
मंगलबार, १८ जेठ २०७८

काठमाडौं । नेपालमा ६०८५ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा पीसीआर परिक्षणबाट ५२८५ जना र एन्टीजेन परिक्षणबाट ८०० जना गरि जम्मा ६०८५ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या पाँच लाख ६६ हजार ५८७ रहेको छ । संक्रमित मध्ये चार लाख ५४ हजार ३४४ जना निको भएर घर फर्किसकेका छन् । हाल संक्रिय संक्रमितको संख्या एक लाख ४ हजार ७८९ रहेको छ ।

पछिल्लो २४ घण्टामा ६८९८ जना कोरोनामुक्त भएका छन् भने मृतकको संख्या ६८ रहेको छ । हालसम्म मृत्यु हुनेको संख्या ७४५४ पुगेको छ ।