काठमाडौं महानगरपालिकामा खोप कार्यक्रम स्थगित

आर्थिकन्यूज
सोमबार, १८ साउन २०७८

काठमाडौं । काठमाडौं महानगरपालिकामा कोरोना विरुद्धको खोप कार्यक्रम स्थगित भएको छ । मौज्दात गरिएको कोभिडविरुद्ध लगाइने खोप काठमाडौं महानगरपालिकामा सकिएपछि खोप कार्यक्रम स्थगित भएको हो ।

महानगरपालिकाको सहरी विभाग प्रमुख हरि कुँवरका अनुसार १४ गतेदेखि १७ गतेसम्म ४५ वर्ष उमेर समूहका माथिकालाई लगाइएको खोप सकिएकाले स्थगित गर्नुपरेको हो । खोप कार्यक्रम चार दिनसम्म सञ्चालन भएको थियो ।

अर्को सूचना जारी नभए सम्म खोप कार्यक्रम स्थगित भएको काठमाडौं महानगरले जनाएको छ ।