काठमाडौं । पछिल्लो २४ घण्टामा नेपालमा १४७८ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा १२५१ जना र एन्टिजन परिक्षण गर्दा २२७ जना गरि जम्मा १४७८ जना नयाँ संक्रमित थपिएका हुन् ।

त्यस्तै, पछिल्लो २४ घण्टामा १६३० जना कोरोनामुक्त भएका छन् योसंगै नेपालभर हालसम्म कोरोना संक्रमित निको हुनेदर ९५.९ प्रतिशत रहेको छ । पछिल्लो २४ घण्टामा मृतकको संख्या ६ रहेको छ ।  यस्तै हालसम्म कोरोनाबाट मृत्यु हुनेको संख्या ११ हजार ५९ रहेको छ ।    

पछिल्लो २४ घण्टामा १३ हजार ९३० जनाको कोरोना परिक्षण गरेका थिए भने एक लाख ५६ हजार १८ जनाले खोप लगाएका थिए । हाल सक्रिय संक्रमितको संख्या २१ हजार १३९ रहेको छ ।