काठमाडौं । पछिल्लो २४ घण्टामा नेपालमा ११५८ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ९०४ जना र एन्टिजन परिक्षण गर्दा २५४ जना गरि जम्मा ११५८ जना नयाँ संक्रमित थपिएका हुन् ।                    

त्यस्तै, पछिल्लो २४ घण्टामा १३१८ जना कोरोनामुक्त भएका छन् योसंगै नेपालभर हालसम्म कोरोना संक्रमित निको हुनेदर ९६.३ प्रतिशत रहेको छ । पछिल्लो २४ घण्टामा मृतकको संख्या १२ रहेको छ ।  यस्तै हालसम्म कोरोनाबाट मृत्यु हुनेको संख्या ११ हजार ११५ रहेको छ ।     

पछिल्लो २४ घण्टामा १४ हजार ३ जनाको कोरोना परिक्षण गरेका थिए भने दुई लाख ८ हजार ९० जनाले खोप लगाएका थिए । हाल सक्रिय संक्रमितको संख्या १८ हजार ४२२ रहेको छ ।