टेलिकमको इन्टरनेट महशुल नबढ्ने

आर्थिकन्यूज
बुधबार, ०१ साउन २०७६

काठमाडौं । सरकारले इन्टरनेट सेवामा १३ प्रतिशत दूरसञ्चार सेवा शुल्क लगाउने निर्णय गरिसकेको अवस्थामा टेलिकमले ग्राहकको सुविधा र सहजतालाई ध्यानमा राखी कम्पनीद्वारा प्रदान गर्ने इन्टरनेट सेवाको महशुल दरमा कुनै वृद्धि नहुने कम्पनीले जनाएको छ ।

सेवाग्राहीलाई अझ बढी सहुलियत दरमा सेवा उपलब्ध गराउन हालै कार्यान्वयनमा ल्याइएको समर अफरमा इन्टरनेट लगायतका सेवाहरुमा थप सहुलियत सहितका प्याकेजहरु प्रस्तुत गरी सेवालाई अझ कम खर्चिलो बनाएको टेलिकमको दाबी छ ।