काठमाडौं । पछिल्लो २४ घण्टामा नेपालमा ५३३ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ४४१ जना र एन्टिजन परिक्षण गर्दा ९२ जना गरि जम्मा ५३३ जना नयाँ संक्रमित थपिएका हुन् ।                              

त्यस्तै, पछिल्लो २४ घण्टामा ४९० जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९७.४ प्रतिशत रहेको छ । पछिल्लो २४ घण्टामा मृतकको संख्या ९ रहेको छ । यस्तै हालसम्म कोरोनाबाट मृत्यु हुनेको संख्या ११ हजार ४१६ रहेको छ ।    

पछिल्लो २४ घण्टामा ११ हजार ६६४ जनाको कोरोना परिक्षण गरेका थिए भने ६५ हजार २८ जनाले खोप लगाएका थिए । हाल सक्रिय संक्रमितको संख्या ९ हजार ३१८ रहेको छ ।