काठमाडौं । पछिल्लो २४ घण्टामा नेपालमा २२० जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा २१८ जना र एन्टिजन परिक्षण गर्दा २ जना गरि जम्मा २२० जना नयाँ संक्रमित थपिएका हुन् ।        

त्यस्तै, पछिल्लो २४ घण्टामा २६३ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८ प्रतिशत रहेको छ । पछिल्लो २४ घण्टामा मृतकको संख्या एक रहेको छ । यस्तै हालसम्म कोरोनाबाट मृत्यु हुनेको संख्या ११ हजार पाँच सय ७४ रहेको छ ।  

पछिल्लो २४ घण्टामा ४ हजार १४१ जनाको कोरोना परिक्षण गरेका थिए भने ८६ हजार ५९३ जनाले खोप लगाएका थिए । हाल सक्रिय संक्रमितको संख्या ५ हजार २२५ रहेको छ ।