एजेन्सी । अमेजनले आफ्नो भ्वाइस असिस्टेन्ट ‘अलेक्सा’ लाई अपडेट गर्न बाध्य भएको  छ ।  इको भ्वाईस सहायकले अमेरिकाकी १० वर्षीया बालिकालाई आफ्नो फोन चार्जर चलिरहेको विद्युतीय बोर्डमा आधा प्लग गर्न र त्यसपछि सिक्काले बायाँ छेउमा छुने सल्लाह दिएको थियो ।

एलेक्साको यो  खतरनाक सल्लाह ती बालिकाको आमाले सामाजिक सञ्जालमा ेयर गरेकी छिन् । त्यसपछि अमेजन र यसको भर्चुअल सहायक प्रविधिको सामाजिक सञ्जालमा चर्को आलोचना हुन थाल्यो ।

यो खतरनाक चुनौती टिकटक र अन्य सामाजिक सञ्जालमा ‘द पेनी च्यालेन्ज’ नामबाट करिब एक वर्षअघि भाइरल भएको थाहा छ । त्यसपछि संसारभरबाट यसका कारण हुने दुर्घटनाका समाचार र तस्बिरहरू सार्वजनिक भए ।

वास्तवमा सिक्का धातुको हुने भएकाले बिजुलीको करेन्ट राम्रो परिचालक हुन्छ । चलिरहेको विद्युतीय बोर्डमा जडान गरिएको चार्जरमा यसलाई घुसाउँदा घातक झटका, आगलागी र अन्य दुर्घटनाहरूको खतरा हुन सक्छ ।

विज्ञहरूका अनुसार यस्ता दुर्घटनामा हातको औँला वा पुरै जल्ने वा उड्ने खतरा हुन्छ । अमेरिकाका अग्नि अधिकारीहरूले पनि यस्तो घातक चुनौतीको खुलेर विरोध गरेका छन् । यसपछि अमेजनले आफ्नो भ्वाइस असिस्टेन्ट टेक्नोलोजीमा भएको त्रुटिका लागि माफी मागेको छ ।