काठमाडौं । पछिल्लो २४ घण्टामा नेपालमा ६७३४ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ५७४७ जना र एन्टिजन परिक्षण गर्दा ९८७ जना गरि जम्मा ६७३४ जना नयाँ संक्रमित थपिएका हुन् ।        

त्यस्तै, पछिल्लो २४ घण्टामा ५४७ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९५.१ प्रतिशत रहेको छ । पछिल्लो २४ घण्टामा मृतकको संख्या ३ रहेको छ । यस्तै हालसम्म कोरोनाबाट मृत्यु हुनेको संख्या ११ हजार ६२३ रहेको छ ।                      

पछिल्लो २४ घण्टामा १७ हजार ४६५ जनाले कोरोना परिक्षण गरेका थिए भने एक लाख ४३ हजार ३६० जनाले खोप लगाएका थिए । हाल सक्रिय संक्रमितको संख्या ३० हजार ८७७ रहेको छ ।