काठमाडौं । पछिल्लो २४ घण्टामा नेपालमा १०२५८ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ८७३० जना र एन्टिजन परिक्षण गर्दा १५२८ जना गरि जम्मा १०२५८ जना नयाँ संक्रमित थपिएका हुन् ।

त्यस्तै, पछिल्लो २४ घण्टामा ५६२ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९४.२ प्रतिशत रहेको छ । पछिल्लो २४ घण्टामा मृतकको संख्या एक रहेको छ । यस्तै हालसम्म कोरोनाबाट मृत्यु हुनेको संख्या ११ हजार ६२४ रहेको छ ।

पछिल्लो २४ घण्टामा २२ हजार ८२८ जनाले कोरोना परिक्षण गरेका थिए भने दुई लाख १३ हजार १४८ जनाले खोप लगाएका थिए । हाल सक्रिय संक्रमितको संख्या ३९ हजार ४४ रहेको छ ।