काठमाडौं । पछिल्लो २४ घण्टामा नेपालमा ८४५४ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ५५७१ जना र एन्टिजन परिक्षण गर्दा २८८३ जना गरि जम्मा ८४५४ जना नयाँ संक्रमित थपिएका हुन् ।   

त्यस्तै, पछिल्लो २४ घण्टामा ४४३३ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ८९.२ प्रतिशत रहेको छ । पछिल्लो २४ घण्टामा मृतकको संख्या ५ रहेको छ । यस्तै हालसम्म कोरोनाबाट मृत्यु हुनेको संख्या ११ हजार ६७२ रहेको छ ।      

पछिल्लो २४ घण्टामा २० हजार ३५९ जनाले कोरोना परिक्षण गरेका थिए भने दुई लाख ५६ हजार ४१६ जनाले खोप लगाएका थिए । हाल सक्रिय संक्रमितको संख्या ९० हजार ६७ रहेको छ ।