एजेन्सी । मेटा(फेसबुक)ले बच्चाहरूको लागि इन्स्टाग्राममा नयाँ सुविधा ल्याउन लागेको प्रति धर्मगुरुहरुले विरोध गरेका छन् ।  ७० जना धार्मिक गुरुहरूले मेटाका सीईओ मार्क जुकरबर्गलाई पत्र लेखेर विरोध जनाएका हुन् । जसमा उनीहरूले यो योजना पूर्ण रूपमा बन्द गर्न सुझाव दिएका छन्। बालबालिकाको दिमाग पूर्णरुपमा परिपक्व नभएको र सामाजिक सञ्जालले बालबालिकालाई नाफाको औजारका रुपमा प्रयोग गरी गलत तरिकाले डाटा माइनिङ गर्ने उनीहरुको भनाइ छ । 

यसअघि इन्स्टाग्रामले बालबालिकाका लागि नयाँ फिचर फोटो सेयरिङ एप ल्याउने योजना बनाएको थियो । धेरै विरोधपछि फेसबुकले सेप्टेम्बरमा बन्द गर्नुपरेको थियो ।

इन्स्टाग्रामको मूल कम्पनी मेटा (फेसबुक) ले केही महिना अघि ह्वीसलब्लोअर फ्रान्सिस होगेनले लीक गरेको आन्तरिक रिपोर्ट पछि मानसिक स्वास्थ्य र युवा प्रयोगकर्ताहरूको सुरक्षामा धेरै प्रश्नहरू खडा गरेको छ । यस बाहेक डिसेम्बरमा सिनेट प्यानलले इन्स्टाग्रामका प्रमुख एडम मोसेरीलाई पनि बालबालिकाको अनलाइन सुरक्षालाई लिएर प्रश्न गरेको थियो । अमेरिकी सरकारले बच्चाहरु माझ इन्स्टाग्रामको प्रवर्द्धन को लागी मेटाको बारेमा अनुसन्धान गरिरहेको बताएको छ ।

मेटा कम्पनीले यसबारे स्पष्टीकरण दिएको छ ।  जसका अनुसार लीक भएको कागजातलाई कम्पनीको छवि खराब गर्न प्रयोग गरिएको छ । कम्पनीले इन्स्टाग्राम फर किड्स फिचरको प्रतिरक्षा गर्दै युवा प्रयोगकर्ताहरूलाई सुरक्षित सेवासँग अन्तर्क्रिरया गर्न दिने विचार रहेको बताएको छ । कम्पनीले अन्य सामाजिक सञ्जाल साइटहरू जस्तै इन्स्टाग्रामले पनि १३ वर्ष मुनिका बालबालिकालाई प्लेटफर्ममा सामेल हुन निषेध गरेको बताएको छ ।

बाइबल, कुरान, पोप फ्रान्सिस र बौद्ध भिक्षुहरुको धर्म समूहहरूले जुकरबर्गलाई भेटेका छन् र उनीले  सबै धर्म आआफ्नै क्षेत्रमा धेरै महत्वपूर्ण छ । तसर्थ, कम्पनीले यसलाई धर्मनिरपेक्ष र आध्यात्मिक दुवै तरिकाले सोच्नु पर्नेमा जोड दिएका थिए । 

यसको प्लेटफर्ममा प्रयोगकर्ताहरूको संख्या बढाउनको लागि, मेटाले गत वर्ष धर्महरूको टोली गठन ग¥यो र प्रयोगकर्ताहरूलाई साइटमा पठाउन र प्रार्थना गर्न अनुमति दिने नयाँ सुविधा रोल आउट ग¥यो । महामारीको समयमा स्ट्रिमिङ पूजाको लागि मिनी उपकरण किटहरू पठाइयो र यसको पहिलो भर्चुअल कार्यक्रम पनि आयोजना ग¥यो ।