काठमाडौं । पछिल्लो २४ घण्टामा नेपालमा १३६९ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा १०१३ जना र एन्टिजन परिक्षण गर्दा ३५६ जना गरि जम्मा १३६९ जना नयाँ संक्रमित थपिएका हुन् ।       

त्यस्तै, पछिल्लो २४ घण्टामा कोरोना संक्रमितको संख्या भन्दा निको हुनेको संख्या धेरै रहेको छ । यस अवधिमा २२३८ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९५.८ प्रतिशत रहेको छ । पछिल्लो २४ घण्टामा मृतकको संख्या १२ रहेको छ । यस्तै हालसम्म कोरोनाबाट मृत्यु हुनेको संख्या ११ हजार ८६४ रहेको छ ।                        

पछिल्लो २४ घण्टामा ११ हजार ८८० जनाले कोरोना परिक्षण गरेका थिए भने दुई लाख २० हजार ६०१ जनाले खोप लगाएका थिए । हाल सक्रिय संक्रमितको संख्या २९ हजार ४ रहेको छ ।