काठमाडौं । पछिल्लो २४ घण्टामा नेपालमा ४३७ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा २७५ जना र एन्टिजन परिक्षण गर्दा १६२ जना गरि जम्मा ४३७ जना नयाँ संक्रमित थपिएका हुन् ।          

त्यस्तै, पछिल्लो २४ घण्टामा कोरोना संक्रमितको संख्या भन्दा निको हुनेको संख्या धेरै रहेको छ । यस अवधिमा २४५४ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९६.३ प्रतिशत रहेको छ । पछिल्लो २४ घण्टामा मृतकको संख्या २ रहेको छ । यस्तै हालसम्म कोरोनाबाट मृत्यु हुनेको संख्या ११ हजार ९१३ रहेको छ ।                        

पछिल्लो २४ घण्टामा ९ हजार ९१ जनाले कोरोना परिक्षण गरेका थिए भने एक् लाख २४ हजार ८६७ जनाले खोप लगाएका थिए । हाल सक्रिय संक्रमितको संख्या १४ हजार ४ सय ३५ जना रहका छन् ।