काठमाडौं । पछिल्लो २४ घण्टामा नेपालमा ८८ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ६६ जना र एन्टिजन परिक्षण गर्दा २२ जना गरि जम्मा ८८ जना नयाँ संक्रमित थपिएका हुन् ।                 

त्यस्तै, पछिल्लो २४ घण्टामा कोरोना संक्रमितको संख्या भन्दा निको हुनेको संख्या धेरै रहेको छ । यस अवधिमा ३७६ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८.१ प्रतिशत रहेको छ । पछिल्लो २४ घण्टामा मृतकको संख्या एक रहेको छ । यस्तै हालसम्म कोरोनाबाट मृत्यु हुनेको संख्या ११ हजार ९४८ रहेको छ ।                        

पछिल्लो २४ घण्टामा ८ हजार ६३८ जनाले कोरोना परिक्षण गरेका थिए भने दुई लाख ३३ हजार ८५१ जनाले खोप लगाएका थिए । हाल सक्रिय संक्रमितको संख्या ६ हजार १५० जना रहका छन् ।