एजेन्सी । एप्पलले भारतको केन्द्रीय बैंक रिजर्भ बैंक अफ इण्डिया(आरबीआई)को नयाँ निर्देशन अनुसार आफ्नो भुक्तानी प्रणाली बनाएको छ । आरबीआईको अटो डेबिटसँग सम्बन्धित नयाँ नियमपछि अब टेक कम्पनी एप्पलले पनि आफ्नै नियम बनाएको हो ।

एप्पलले सदस्यता र एप स्टोरका लागि कार्ड भुक्तानी लिन बन्द गरेको छ । अब भारतमा रहेका यसका ग्राहकहरूले एप्पल एप स्टोरमा खरिद वा सेवाका लागि डेबिट र क्रेडिट कार्डबाट भुक्तानी गर्न सक्ने छैनन् । यसको कारण आरबीआईले गत वर्ष अटो–डेबिट भुक्तानीसम्बन्धी नयाँ दिशानिर्देशहरू ल्याएको थियो ।

कार्ड भुक्तानीमा प्रतिबन्ध लगाएपछि, एप्पलले अब युपीआइ, नेट बैंकिङ र एप्पल आईडी ब्यालेन्स मार्फत मात्र भुक्तानी लिनेछ । एप्पल सपोर्ट पेजमा, कम्पनीले जानकारी दिएको छ  आफ्नो एप्पल आइडीमा कुनै पनि कार्ड विवरणहरू बचत गरिसक्नुभएको छ भने स्वतः डेबिट सेवाको मजा लिन सक्नुहुन्न । आरबीआइको नयाँ दिशानिर्देशका कारण कार्ड भुक्तानी विकल्पमा त्रुटि भएको सन्देश पाउन सकिन्छ ।

आरबीआईले गत वर्ष आफ्नो नयाँ अटो–डेबिट दिशानिर्देश जारी गरेको थियो । यस अनुसार कुनै कम्पनीले स्वचालित भुक्तानी सेवा प्रयोग गरेमा बैंकले ग्राहकको खाताबाट रकम काट्नुभन्दा २४ घण्टा अगाडि सूचना पठाउनुपर्नेछ । उनीहरूले यो काम हरेक महिना हरेक भुक्तानीको लागि गर्नुपर्छ । एकै समयमा, ५,००० भन्दा माथिको भुक्तानी इत्ए बाट मात्र गर्न सकिन्छ । अधिकांश बैंकहरू, अनलाइन सेवाहरू र ओटीती प्लेटफर्महरूले यो दिशानिर्देश लागू गर्न बाँकी छ ।