थप २१ जनामा कोरोना संक्रमण, १६ जना निको भए

आर्थिकन्यूज
बुधबार, २८ बैशाख २०७९

काठमाडौं । पछिल्लो २४ घण्टामा नेपालमा २१ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा १८ जना र एन्टीजेन परिक्षणबाट ३ जनागरि २१ नयाँ संक्रमित थपिएका हुन् ।

त्यस्तै, पछिल्लो २४ घण्टामा १६ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८.८ प्रतिशत रहेको छ । पछिल्लो २४ घण्टामा मृतकको संख्या एक रहेको छ ।

पछिल्लो २४ घण्टामा ३ हजार ७८८ जनाले कोरोना परिक्षण गरेका थिए भने ११ हजार ५ जनाले खोप लगाएका थिए । हाल सक्रिय संक्रमितको संख्या १८७ जना रहेका छन् ।