चार जनामा कोरोना संक्रमण हुँदा १८ जना निको भए

आर्थिकन्यूज
विहीबार, २९ बैशाख २०७९

काठमाडौं । पछिल्लो २४ घण्टामा नेपालमा ४ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ४ नयाँ संक्रमित थपिएका हुन् ।

त्यस्तै, पछिल्लो २४ घण्टामा १८ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८.८ प्रतिशत रहेको छ । पछिल्लो २४ घण्टामा मृतकको संख्या शुन्य रहेको छ ।

पछिल्लो २४ घण्टामा २ हजार ८१७ जनाले कोरोना परिक्षण गरेका थिए भने २१ हजार १७९ जनाले खोप लगाएका थिए । हाल सक्रिय संक्रमितको संख्या १७३ जना रहेका छन् ।