थप १२ जनामा कोरोना संक्रमण

आर्थिकन्यूज
विहीबार, ०५ जेठ २०७९

काठमाडौं । पछिल्लो २४ घण्टामा नेपालमा १२ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा १२ जना नयाँ संक्रमित थपिएका हुन् ।

त्यस्तै, पछिल्लो २४ घण्टामा ९ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८।८ प्रतिशत रहेको छ । पछिल्लो २४ घण्टामा मृतकको संख्या शुन्य रहेको छ । योसंगै कोरोनाबाट मृत्यु हुनेको संख्या ११ हजार ९५२ पुगेको छ । पछिल्लो २४ घण्टामा ३ हजार ६२७ जनाले कोरोना परिक्षण गरेका थिए । हाल सक्रिय संक्रमितको संख्या १५० जना रहेका छन् ।