थपिए ४४ जना नयाँ कोरोना संक्रमित

आर्थिकन्यूज
मंगलबार, १४ असार २०७९

काठमाडौं । स्वास्थ्य तथा जनसंख्या मन्त्रालयले पछिल्लो २४ घण्टाको कारोना संक्रमणको तथ्यांक सार्वजनिक गरेको छ । मन्त्रालयका अनुसार यस अवधिमा २ हजार ७९८ जनामा कोरोना परिक्षण गरिएको थियो । जसमा ४४ जनामा कोरोना भाइरसको संक्रमण पुष्टि भएको छ ।

त्यस्तै, पछिल्लो २४ घण्टामा १७ जना कोरोना संक्रमित निको भएका छन् । यस अवधिमा एक लाख ३६ हजार ९९६ जनाले कोरोना भाइरस विरुद्धको खोप लगाएका छन् ।

हाल २२९ जना कोरोना भाइरसका सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।