थप ३४७ जनामा कोरोना संक्रमण, सक्रिय संक्रमित ३ हजार नाघे

आर्थिकन्यूज
आइतबार, ०८ साउन २०७९

काठमाडौं । पछिल्लो २४ घण्टामा नेपालमा ३४७ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ३०३ र एन्टीजेन परिक्षण गर्दा ४४ गरी जम्मा ३४७ जना नयाँ संक्रमित थपिएका हुन् ।

त्यस्तै, पछिल्लो २४ घण्टामा ९५ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८.५६ प्रतिशत रहेको छ । पछिल्लो २४ घण्टामा मृतकको संख्या शुन्य रहेको छ ।

पछिल्लो २४ घण्टामा ३ हजार ८८८ जनाले कोरोना परिक्षण गरेका थिए भने खोप लगाउनेको संख्या ७८ हजार २२८ रहेको छ । हाल सक्रिय संक्रमितको संख्या ३ हजार १७७ जना रहेका छन् ।