थपिए ६३८ जना नयाँ संक्रमित, दुई जनाको मृत्यु

आर्थिकन्यूज
मंगलबार, १० साउन २०७९

काठमाडौं । पछिल्लो २४ घण्टामा नेपालमा ६३८ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ४०० र एन्टीजेन परिक्षण गर्दा २३८ गरी जम्मा ६३८ जना नयाँ संक्रमित थपिएका हुन् ।

त्यस्तै, पछिल्लो २४ घण्टामा २१८ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८।४ प्रतिशत रहेको छ । पछिल्लो २४ घण्टामा मृतकको संख्या दुई रहेको छ ।

पछिल्लो २४ घण्टामा ५ हजार ५५ जनाले कोरोना परिक्षण गरेका थिए भने खोप लगाउनेको संख्या २ लाख ५७ हजार ८७८ रहेको छ । हाल सक्रिय संक्रमितको संख्या ३ हजार ७१४ जना रहेका छन् ।