काठमाडौं । पछिल्लो २४ घण्टामा नेपालमा ७६० जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ४९४ र एन्टीजेन परिक्षण गर्दा २६६ गरी जम्मा ७६० जना नयाँ संक्रमित थपिएका हुन् ।

त्यस्तै, पछिल्लो २४ घण्टामा ३२४ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८.२ प्रतिशत रहेको छ । पछिल्लो २४ घण्टामा मृतकको संख्या एक रहेको छ । हालसम्म नेपालमा कोरोना संक्रमणबाट ११ हजार ९६९ जनाको मृत्यु भइसकेको छ । 

पछिल्लो २४ घण्टामा ५ हजार ९२६ जनाले कोरोना परिक्षण गरेका थिए भने खोप लगाउनेको संख्या ४७ हजार ३४१ रहेको छ । हाल सक्रिय संक्रमितको संख्या ५ हजार ६०२ जना रहेका छन् ।