पर्वतारोहणबाट साढे ६७ करोड रोयल्टी, धेरै पाउनेमा खुम्बु पासाङ ल्यामु गाउँपालिका

आर्थिकन्यूज
शुक्रबार, ०६ भदौ २०७६

काठमाडौं । आर्थिक वर्ष २०७५/०७६ मा पर्वतारोहणबाट कुल ६७ करोड ४७ लाख रुपैयाँ रोयल्टी प्राप्त भएको अर्थ मन्त्रालय जनाएको छ । आज अर्थ मन्त्रालयमा आयोजित कार्यक्रममा दिएको जानकारीअनुसार उक्त रोयल्टीमध्ये प्रदेश र स्थानीय तहमा १६ करोड ८६ लाख रुपैयाँ बाँडफाँड गरिएको छ । गत आर्थिक वर्षमा सबैभन्दा धेरै पर्वतारोहण रोयल्टी पाउने स्थानीय तहमा सोलुखुम्बुको खुम्बु पासाङ ल्यामु गाउँपालिका रहेको छ ।
त्यस्तै संभुवासभाको मकालु गाउँपालिका, सोलुखुम्बको महाकुलुङ गाँउपालिका, सोलुखुम्बुकै सोलु दूधकोशी गाउँपालिका र दोलखाको गौरीशंकर गाउँपालिका पर्वतारोहणबाट बढी रोयल्टी पाउने स्थानीय तह रहेका छन् ।