एजेन्सी । अमेजनले करिब १० हजार कर्मचारीलाई जागिरबाट निकाल्ने योजना बनाएको छ । अमेरिकाको न्यूयोर्क टाइम्सको रिपोर्टका अनुसार अर्को हप्ता हजारौं मानिसहरूले आफ्नो जागिर गुमाउन सक्छन्। पछिल्ला केही त्रैमासमा नाफा नआएकाले कम्पनीले यस्तो निर्णय गरेको हो ।

अमेजनका अनुसार आर्थिक मन्दी लगातार बढ्दै गएको छ, त्यसैले कम्पनीले आफ्नो खर्च घटाउनुपर्छ। कम्पनीले गत सातादेखि नयाँ भर्ना बन्द गर्ने घोषणा गरेको थियो । धेरै कर्मचारीहरूलाई अन्यत्र काम खोज्न पनि भनियो। यद्यपि, अमेजनबाट हालसम्म हटाउने सम्बन्धमा कुनै बयान आएको छैन।

डिसेम्बर ३१, २०२१ सम्म अमेजनमा १.६ मिलियन भन्दा बढी पूर्ण(समय र अंश(समय कर्मचारीहरू छन्। यदि कम्पनीले एकै साथ १०,००० कर्मचारीहरूलाई निकाल्छ । यो अमेजनको इतिहासमा सबैभन्दा ठूलो कर्मचारी कटौति हो। समग्रमा कम्पनीले १ प्रतिशत कर्मचारी हटाउने तयारी गरेको छ ।

कम्पनीले काम गर्न धेरै युनिटहरूमा रोबोटको प्रयोगलाई बढावा दिइरहेको छ। हाल डेलिभर हुने प्याकेटको करिब ३ चौथाई कुनै न कुनै रोबोटिक प्रणालीबाट गुज्रिन्छ।

अमेजन रोबोटिक्सका प्रमुख टाइ ब्राडीले आगामी ५ वर्षमा प्याकेजिङ्गमा १०० प्रतिशत रोबोटिक प्रणाली हुन सक्ने बताए । उनले भविष्यमा मानव कामदारलाई रोबोटले विस्थापित गर्ने तर यसका लागि धेरै समय लाग्ने बताए ।