एजेन्सी । इ–कमर्स कम्पनी अमेजनका सीईओ एन्डी जस्सीले कम्पनीले सन् २०२३ सम्म कर्मचारी हटाउन योजना जारी राखेको खुलासा गरेको छ  । अमेजनले यस हप्ताको सुरुमा लेआउट प्रक्रिया सुरु गरेको थियो ।  

अब जस्सीले अमेजनको वार्षिक योजना प्रकृया अर्को वर्ष सम्म हुने भएकाले अगाडी थप कर्मचारीहरु कटौती हुने बताए । अमेजनका नेताहरूले धेरै स्तरहरूमा भूमिका घटाउन प्रारम्भ गर्न कार्यबलको विश्लेषण गर्नेछन्।

एन्डीले भने, ‘कम्पनीका नेताहरूले उनीहरूको टोलीसँग काम गरिरहेका छन् र उनीहरूको कार्यबलको स्तर हेरिरहेका छन्। यस बाहेक, कम्पनीले आफ्नो भविष्यको लगानीलाई प्राथमिकता दिइरहेको छ, आफ्ना ग्राहकहरूलाई के महत्त्वपूर्ण छ र व्यवसायको दीर्घकालीन स्वास्थ्यको लागि के सही छ। अर्थतन्त्र चुनौतीपूर्ण अवस्थामा रहेको र विगत केही वर्षको तुलनामा हामीले तीव्र गतिमा कर्मचारी नियुक्ति गरेका छौं भन्ने तथ्यका कारण यो वर्षको समीक्षा झन् कठिन छ ।

यसका साथै जस्सीले कम्पनीको कामबाट निकाल्ने निर्णयबाट प्रभावित कर्मचारीलाई २०२३ को सुरुमै जानकारी दिइने दाबी गरे । जस्सीले सीईओको पदभार ग्रहण गरेपछि यो सबैभन्दा कठिन निर्णय गरेको बताए । उनले भने, ‘म यो भूमिकामा आएको करिब डेढ वर्ष भइसक्यो र यो त्यतिबेलाको सबैभन्दा कठिन निर्णय भएकोमा कुनै शंका छैन ।