काठमाडौं । आइसीसी विश्वकप लिग–२ मा नेपालले नामिबिया विरुद्ध सहज जित हासिल गरेको छ । नेपालले नामिबियाले दिएको २७५ रनको लक्ष्यमा ३ विकेट र १५ बल बाँकी छँदै जित हात पारेको हो । 

नेपाललाई सहज जित दिलाउन आसिफ सेख, ज्ञानेन्द्र मल्ल र  कुशल मल्ल तथा बलिङतर्फ सन्दीप लामिछानेलेले भूमिका खेलेका छन् । कीर्तिपुरस्थित त्रिवि क्रिकेट मैदानमा नामिबियाले दिएको २ सय ७५ रनको लक्ष्य ४७।३ ओभरमा ७ विकेट गुमाएर पुरा गर्दै नेपालले जित हात पारेको हो । 

नेपालको जितमा आसिफ र ज्ञानेन्द्रले कीर्तिमानी १३९ रनको साझेदारी गरे । 

ओपनर कुशल भुर्तेल ५ बलमा १ रन बनाएर आउट हुँदा आसिफले ९८ बलमा ८ चौका र २ छक्काको मद्दतमा सर्वाधिक ८१ रन जोडे ।
ज्ञानेन्द्र मल्ले ७४ बलमा ५ चौका र तीन छक्का प्रहार गर्दै ६५ रन जोडे ।

कुशल मल्ले चौथो विकेटका लागि कप्तान रोहित पौडेलसँग ९२ रनको साझेदारी गर्दै ४९ बलमा ६ चौका र ४ छक्कासहित ६२ रन जोडेर क्याच आउट भए ।

रोहित ४२ बल ५ चौकाको मद्दतमा ३९ रन बनाएर पभेलियन फर्किए ।

नामिबियाको बलिङमा रुबेन ट्रम्पलम्यानले सर्वाधिक तीन विकेट लिए । बर्नाद स्कोल्जले दुई विकेट लिँदा, ताङगेनी लुङ्गामेनी र पिकी या फ्रान्सले समान एक विकेट लिए ।