एजेन्सी । अमेरिकामा गरिएको एक अध्ययनले कोरोना भाइरसले संक्रमित व्यक्तिको जीनेटिक संरचना परिवर्तन गर्न सक्ने दावी गरेको छ। वैज्ञानिकहरूले भने यी परिवर्तनहरू मानिसहरूमा लामो कोभिडका लक्षणहरूसँग सम्बन्धित हुन सक्ने अनुमान गरेका छन ।

संयुक्त राज्य अमेरिकाको ह्युस्टनस्थित म्याकगभर्न मेडिकल स्कूलको बायोकेमिस्ट्री र आणविक जीवविज्ञान विभागका एसोसिएट प्रोफेसर र यस अध्ययनका प्रमुख लेखक वेन्बो लीले भने, ‘यो विशेष अनुसन्धान एकदमै अनौठो छ र हामीले बाँकीमा यस्तो केही देखेका छैनौं।’ 

वैज्ञानिकहरुका अनुसार यो अनुसन्धानले उनीहरुलाई कोरोना भाइरस विरुद्ध प्रतिरोधात्मक क्षमताले कसरी काम गर्छ र कोरोनाले कस्तो चुनौती सिर्जना गर्छ भन्ने कुरा बुझ्न मद्दत गर्नेछ ।

अध्ययनमा भनिएको छ, ‘हाम्रो आनुवंशिक सामग्री सेल न्यूक्लियसमा पाइने क्रोमेटिन नामक संरचनामा भण्डार गरिएको छ। अध्ययनको क्रममा, यो पत्ता लागेको छ कि केही भाइरसहरूले हाम्रो क्रोमेटिनलाई हाइज्याक गर्दछ । अर्थात्, तिनीहरूलाई परिवर्तन गर्दछ ताकि तिनीहरू ती कोशिकाहरूमा सफलतापूर्वक पुनस् उत्पादन गर्न सकून्।’