पर्वतारोही लामा ‘एभरेष्ट क्लाइमेट एक्सन अवार्ड’ बाट सम्मानित

आर्थिकन्यूज
मंगलबार, ०५ असार २०८०

काठमाडौं । पर्वतारोही शर्मिला लामा सम्मानित भएकी छिन् । लामा एभरेष्ट क्लाइमेट एक्सन अवार्ड २०२३ बाट सम्मानित भएकी हुन् । उनलाई उपराष्ट्रपति राम सहाय यावदले काठमाडौंमा आयोजित एक समारोहका बीच उक्त अवार्ड हस्तान्तरण गरेका हुन् ।

राष्ट्रिय युवा परिषद्ले लामालाई सो पुरस्कारका लागि छनौट गरेको थियो । पर्वतारोही लामाले हालसम्म ६ हजार मिटरभन्दा माथिका दर्जनौ हिमाल आरोहण गरिसकेकी छन् ।

यससँगै लामाले ८ हजार मिटर माथिका चारवटा हिमाल आरोहण गरिसकेकी छन् । विश्वमा रहेका ८ हजार मिटर माथिका १४ वटा हिमाल आरोहण गरी नेपाललाई अन्तराष्ट्रिय स्तरमा चिनाउने उनको योजना रहेको छ ।