चिलिमे हाईड्रोपावर कम्पनी लिमिटेडले तेस्रो त्रैमासमा खुद मुनाफा ५४ करोड ३६ लाख रुपैयाँ कमाएको छ, जुन गत वर्षको सोहिअवधिको तुलनाभन्दा १७ दशमलव ४४ प्रतिशतले घटेको हो । अघिल्लो वर्षको सोहि अवधिमा कम्पनीले नाफा ६५ करोड ८५ लाख रुपैयाँ कमाएकोे थियो ।

 
४ अर्ब ७५ करोड ८१ लाख रुपैयाँ चुक्ता पूँजी भएको कम्पनीले जगेडाकोषमा ४ अर्ब ५१ करोड ६ लाख रुपैयाँ पुर्याएको छ । जसको सम्पत्ति ९ अर्ब ६० करोड ४५ लाख रुपैयाँ रहेको छ । गत वर्षको सोहिअवधिको तुलनामा ७ प्रतिशतले बढेको छ ।

त्यस्तै कम्पनिको बिक्री सामान्य बढेर ८० करोड ७५ लाख रुपैयाँ पुगेको छ । सञ्चालन मुनाफा ७ दशमलवल ४० प्रतिशतले घटेर ५८ करोड ८९ लाख रुपैयाँ रहेको छ । संचालन मुनाफा घटाएको हुँदा नाफा पनि घटेको हो ।

चिलिमे हाईड्रोपावरको प्रतिशेयर आम्दानी १५ दशमलव २३ रुपैयाँ, मुल्य आम्दानीको अनुपात ३३ दशमलव १५ गुणा, प्रतिशेयर नेटवर्थ १ सय ९४ दशमलव ८० रुपैयाँ र तरलता अनुपात ११ दशमलवल ०९ प्रतिशत रहेको छ ।