१४ जना जुवाडे पक्राउ

आर्थिकन्यूज
आइतबार, २७ पुस २०७६

काठमाण्डौं । महानगरीय प्रहरी वृत्त थानकोटबाट खटिएको प्रहरी टोलीले छुट्टाछुट्टै स्थानबाट नगद १ लाख २ हजार ३५ रूपैयाँ सहित १४ जना मानिसहरूलाई पक्राउ गरेको छ ।

चन्द्रागिरी नगरपालिका वडा ३ स्थित बाँसको टहरा मुनि जुवातास खेलिरहेको ७ जनालाई नगद ३१ हजार ५ सय ३५ रूपैयाँ तासको सहित नियन्त्रणमा लिएको प्रहरीले जनाएको छ ।

साथै चन्द्रागिरी नगरपालिका वडा ६ महादेस्थान स्थित दल कुमार याँदीको घरमा जुवातास खेलिरहेको अवस्थामा निज घर धनि दल कुमार याँदी सहित ७ जनालाई नगद ७० हजार ५ सय रूपैयाँ र तास सहित पक्राउ गरेको छ ।