ठगीको आरोपमा शिवानन्द स्वामी पक्राउ

आर्थिकन्यूज
सोमबार, २८ पुस २०७६

काठमाडौं । ठगीको आरोपमा शिवानन्द स्वामी भनिने दिपक भण्डारीलाई प्रहरीले पक्राउ गरेको छ । महानगरीय अपराध अनुसन्धान महाशाखा टेकुको टोलीले सोमबार भण्डारीलाई शिष्यलाई ठगी गरेको आरोपमा पक्राउ गरेको हो ।

भण्डारीले शिष्यलाई विदेश पठाइदिन्छु भन्ने आश्वसन देखाएर रकम उठाएका तर, विदेश नपठाएको भन्दै महाशाखामा ४ जना शिष्यले उनीविरुद्ध उजुरी दिएकोले पक्राउ गरेको महानगरीय अपराध अनुसन्धान महाशाखा टेकुले जनाएको छ ।

भण्डारीले आफूलाई तन्त्रविद्याको विज्ञका रुपमा प्रहरीसँग परिचय गराएका छन् । उनको टौदहमा पनि आश्रम रहेको प्रहरीले जनाएको छ । उनलाई थप अनुसन्धान गरिरहेको प्रहरीले जनाएको छ ।