आज देशभरिकै मौसम पूर्णरुपमा नखुल्ने

आर्थिकन्यूज
विहीबार, २३ माघ २०७६

काठमाडौं । देशभरिकै मौसम बिहीबार पूर्णरुपमा नखुल्ने मौसमविद्ले बताएका छन् । पश्चिमी वायुसँगै स्थानीय वायुको प्रभावले बिहीबार कतै पनि पारिलो घाम नलाग्ने मौसमविद्ले जनाएका छन् ।

मौसमविद्का अनुसार यसकै प्रभावले बिहीबार पूर्व र पश्चिमी पहाडी क्षेत्रको एक दुई ठाउँमा हल्का पानी पर्ने सम्भावना छ । यस्तै बिहीबार बिहान खुलेको ठाउँको मौसम पनि दिउँसोपछि बदली हुनेछ ।