काभ्रेमा यात्रुबाहक बस दुर्घटना, ४४ घाइते, ६ जनाकाे अवस्था गम्भीर

आर्थिकन्यूज
बुधबार, २१ फागुन २०७६

काठमाडौं । काभ्रेपलाञ्चोकको चौंरीदेउराली गाउँपालिका-५ स्थित ढाँटखर्कमा यात्रुबाहक बस दुर्घटना हुँदा ४४ जना घाइते भएका छन् । रामेछापको गुराँसेबाट काठमाडौँतर्फ आउँदै गरेको बा४ख ७१०२ नम्बरको बस ब्याक गर्ने क्रममा सडकदेखि २० मिटर तल खसेर दुर्घटना भएको हाे ।

घाइते सबैको उद्धार गरी उपचारका लागि धुलिखेल अस्पताल पठाइएको इलाका प्रहरी कार्यालय कात्तिके देउरालीका प्रहरी निरीक्षक पवनकुमार झाले बताए । घाइते मध्ये ६ जनाको अवस्था गम्भीर रहेको उनले बताए ।

विपरित दिशाबाट आएको गाडीलाई साइड दिनका लागि ब्याक गर्नेक्रममा बुधबार बिहान करिब १० बजेको समयमा बस दुर्घटनामा परेको जनाइएकाे छ ।