काठमाडौं । धेरैवटा पुल निर्माणमा हात हालेको र राजनीतिक आडमा समयमा एउटा पनि काम नसकेका कारण दुई वर्षदेखि ‘क’ वर्गको निर्माण कम्पनी पप्पु कन्ट्रक्सन विवादमा तानिएको छ । अख्यिारले पप्पुलाई सिंक्टा सिंचाईको बाँध निर्माणमा भएको काममा अनियमिता ठहर गरेर अख्तियारमा मुद्दा दायर समेत गरिसकेको छ ।

यसका बाँकी काम पनि सन्तोषजनक नभएको र भएका कामले पनि गति नलिएपनि सर्वत्र विरोध भएको हो । पछिल्लो समय यसले काठमाडौंमा बनाएको टेकु पुल मापदण्ड पालना नगरेका कारण भत्काउनुपर्ने निष्कर्षमा सरकारी टोलि पुगेको छ । 

यस्तै पप्पुले गत असार मसान्तसम्ममा नै बनइसक्नुपर्ने गरी लिएको साढे ३ वर्षको ठेक्का सकिदा पनि तीनकुनेस्थित वागमती पुल निर्माण हुन सकेको छैन् । निर्माण कम्पनीको लापर्वाही र सरकारी निकायको कमजोर नीतिकको फाइदा उठाउँदै पप्पुले २१ करोडमा ठेक्का लागेको पुलमा तीन वर्षसम्म १ करोड पनि खर्च गरेन् ।

पुल निर्माण अलपत्र परेको र विरोधको आवाज चर्को हुन थालेपछि यसले ६ महिना अगाडिबाट पुल निर्माण धमाधम थाललेको थियो । यसले गरेका काम डिजाइन अनुसार नभएको, कमजोर निर्माण सामाग्री राखेको र सबै सर्त र सीमा पालना नगर्दा पुल कमजोर बनाउन खोजेको भन्दै सरकारी निकायकै विरोधका कारण अहिले यो पुल निर्माण २५ प्रतशतजति बनाएको भएपनि त्यसपछिको काम ठप्प छ ।

यो पुलमा धेरै विवाद आएको र उजुरी पनि परेपछि प्रतिनिधिसको विकास तथा प्रविधि समितिले स्थलगत अनुगमन गर्ने भएको छ । समितिले आज बिहीबार दिउँसो यो पुलको स्थलगत अनुगमन गर्ने छ । समितिले प्राविधिक सकारी टोली, ठेकेदार र विशेषज्ञसहितको टोलिबाट पुलको निरीक्षण गर्ने भएको छ ।

यो पुलको स्थलगत निरीक्षण पछि मात्रै पुल भत्काउनुपर्ने पर्ने वा निर्माण अगाडि बढाउन दिने भन्ने निर्देशन दिने विकास समिति सभापति कल्याणी खड्काको भनाइ छ । उनका अनुसार पुलमा व्यापाक गुनासो आएको र विकास निर्माणमा भएको चरम लापर्वाहीको नमूना भयो भनिएको छ । यसको अवस्था के रहेछ ।
 

एकपटक स्थलगत अध्यन गर्ने, आवश्यक डकुमेन्ट झिकाउने र यसको वस्तुस्थितिलाई गहिराईसम्म अध्ययन गरेर उपयुक्त निर्देशन सरकारलाई दिने जानकारी पनि खड्काले दिएकी छन् । उनका अनुसार सोही कारण बिहीबार दिउँसो ३ बजे संसदीय समितिको एक टोली सो पुलको स्थलगत निरीक्षणमा जाँदै छ । 

यस अघि टेकु पुल पनि निरीक्षण गर्ने भनेपनि भौतिक मन्त्री रघुवीर महासेठले नै पुल मापदण्ड विपरित बनेको, कमजोर भएको र पप्पुको लापर्वाहीका कारण छिटो भत्कने भएपनि अहिले नै भत्काएर नयाँ तथा बलियो बनाउने बताएका छन् । पप्पुले बनाएको टेकुपुल ६२ मिटरको छ । पुलको बीचको भागमा कमजोर गुणस्तरीय सामाग्री प्रयोग गरिएको आरोप पप्पुमाथि लागेको छ । 

्पप्पुले बनाएको यो पुल बिजुलीबजाारमा एकतर्फ निर्माण भएर सञ्चालनमा आएजस्तै आधुनिक प्रविधिको  नेटवर्क आर्च ब्रिज हो । बिजुलीबजारस्थित धोबीखोला पनि निर्माण कम्पनीले सम्झौता सकिन लाग्न पुल निर्माण गरेको हो । यसको काम आधा सम्पन्न भइसकको छ भने तीनकुनमो एक भाग पनि काम भएको छैन् । 

डिजाइनमा लामो समय लाग्नु र खानेपानी, बिजुली, ढललगायतका संरचना नहट्नुले काममा ढिलाइ भइरहेको काठमाडौँ उपत्यका सडक विस्तार आयोजनाले जानकारी दिएको छ । यसको लागि निर्माण कम्पनीलाई समय दिएको भएपनि त्यो समय पनि गुज्रदा पनि काम नहुनुचाहिँ समस्या भएको उल्लेख  ।

अरु पुलमा पहिले विज्ञलाई डिजाइन गराएर मात्रै ठेक्का आह्वान हुने गरेको थियो । यो पुलमा भने ठेकेदार आफैँले डिजाइन गरेको काठमाडौं उपत्यका सडक विस्तार आयोजनाको भनाइ छ । आयोजनाले दिएको ढाँचाअनुसार ठेकेदार कम्पनीले डिजाइन गर्ने सम्झौतामा नै उल्लेख थियो । 

तीनकुने पुलकोलम्बाइ ८५ मिटर र चौडाइ १२ मिटर रहेको छ । यो पुलको ठेक्का सम्झौताअनुसार अवधि गत असार मसान्तमै सकिएको हो । बिजुलीबजार पुलको भने गत पुसमा सम्झौता अवधि सकिएको भएपनि काम भने आधा मात्रै सकियो । यो पुल निर्माणको ठेक्का जेई कन्स्ट्रक्सनले लिएको थियो । यो पुलको चौडाइ १२ मिटर र लम्बाइ ५१ दशमलव ४५ मिटर रहेको छ ।

विजुलीबजार पुलमा एकातर्फको काम सकेर अर्को तर्फ काम गर्न लागकोे छ । यो पुलमा सडकको दायाँ र बायाँ दुईवटा पुल बनाउनुपर्ने छ । यसमध्ये एउटा निर्माण सकिएर सञ्चालनमा आइसकेको छ ।