स्वास्थ्यकर्मीको निगरानीमा एसइई , अन्य विद्यालय चैत मसान्तसम्म बन्द

आर्थिकन्यूज
बुधबार, ०५ चैत्र २०७६

काठमाडौं । बिहिवारबाट सञ्चालन हुने एसइई परिक्षा स्वास्थ्यकर्मीको निगरानीमा हुने भएको छ । उपप्रधान एवं रक्षामन्त्री ईश्वर पोखरेलको नेतृत्वमा गठित कोरोना भाइरस (कोभिड– १९) संक्रमण रोकथाम तथा नियन्त्रण उच्चस्तरीय समन्वय समितिको बुधवार बसेको बैठकले यस्तो निर्णय गरेको हो ।

बैठकमा बिहिवारबाट सञ्चालन हुने प्रत्यक परिक्षा केन्द्रमा स्वास्थ्य जाँच सहितको हेल्थ डेस्क स्थापना गरि सुरक्षित एव् व्यवस्थितरुपमा समपन्न गर्ने निर्णय भएको छ ।

त्यस्तै बैठकमा बाल विकास केन्द्र, आधारभूत तथा माध्यमिक विद्यालयहरु र विश्वविद्यालहरुका पठनपाठन चैत मसान्तसम्म बन्द गर्ने निर्णय गरेको छ ।