बच्चालाई जन्म दिएलगत्तै कोरोना सङ्क्रमित आमाको मृत्यु

आर्थिकन्यूज
शनिबार, ०८ चैत्र २०७६

पोल्यान्ड । पोल्यान्डमा बच्चालाई जन्म दिएलगत्तै कोरोना सङ्क्रमित आामाको मृत्यु भएको छ । नाम सार्वजनिक नगरिएकी २७ वर्षीया महिलाको मृत्यु भएको हो ।

उनी विश्वमै कोरोना सङ्क्रमण भएर कम उमेरमा ज्यान गुमाउने पहिलो महिला भएकी छिन् । ती महिलालाई आफ्नै आमाबाट कोरोना भाइरस सङ्क्रमण भएको मानिएको छ ।

उनकी आमा भर्खर इटालीको भ्रमण गरेर फर्किएकी र उनैबाट कोरोना सङ्क्रमण भएको मानिएको छ । पोल्यान्डका सञ्चार माध्यमहरुले ती महिलाले जन्माएको बच्चा स्वस्थ रहेको बताएका छन् ।