धैर्य गर्नुहोस्, चिन्तित नहुनुस्ः प्रधानमन्त्री ओली

आर्थिकन्यूज
विहीबार, १३ चैत्र २०७६

काठमाडौं । प्रधानमन्त्री केपी ओलीले कोरोना भाइरसको उपचारमा संलग्न चिकित्सक र प्राविधिकलाई मानवीय संकटको एकजुट भएर सामना गर्न आग्रह गरेका छन् । बिहीबार ट्वीट गर्दै प्रधानमन्त्री ओलीले सरकार साथमा रहेको उल्लेख गर्दै यस्तो आग्रह गरेका हुन् ।

‘चिकित्सक तथा प्राविधिक साथीहरु हाल मौज्दात सामग्रीको आधिकाधिक प्रयोगबाट परीक्षण र उपचारमा सामेल होऔँ, तपाईंहरुकै सिफारिसका थप सामग्रीहरु उपलब्ध हुँदैछन् धैर्य गरौँ’, प्रधानमन्त्री ओलीले ट्वीटमा भनेका छन्, ‘कोभिड–१९ मानवीय संकटको एकजुट भएर सामना गरौँ, सरकार तपाईंहरुसँगै छ, चिन्तित नहोऔँ ।’