अस्ट्रेलिया र न्यूजिल्याण्डका यात्रु बोकेर उड्यो नेपाल एअरलाइन्स

आर्थिकन्यूज
बुधबार, १९ चैत्र २०७६

काठमाडौं । नेपाल एअरलाइन्सको वाइडबडी जहाज अस्ट्रेलिया र न्यूजिल्याण्डका यात्रु बोकेर ब्रिस्बेनको लागि उडेको छ । नेपालमा रहेको अष्ट्रेलियाली दूतावासले आफ्ना नागरिकलाई घर फर्काउन नेपाल एअरलाइन्सको वाइडबडी चार्टर गरेको हो ।

जहाजमा अष्ट्रेलिया र न्यूजिल्याण्डका गरी २ सय ५७ जना यात्रु र २४ जनाको सञ्चालन टोली रहेको छ ।

जहाज मलेसियाको क्वालालम्पुर हुँदै ब्रिस्बेन जानेछ र बिहीबार राति १० बजेर ५५ मिनेटमा नेपाल फर्कनेछ ।