काठमाडौँ । नेपाल राष्ट्रिय गैर सरकारी संस्था महासंघले ज्याला मजदुरी गरेर जीवन निर्वाह गर्ने मजदुर तथा निमुखाहरूलाई राहत वितरण गरेको छ । काठमाडौँ वडा नं ९ मा बसोबास गर्ने मजदुर तथा निमुखाहरूलाई २६० घर धुरीलाई राहत वितरण गरेको हो ।

१५ दिनलाई पुग्ने दाल, चामल, नुन, तेल, चिउरा लगायतको सामाग्री उपलब्ध गराइएको महासंघकी अध्यक्ष कुन्ती पोखरेलले जानकारी दिइन् । उनले भनिन् ‘हामीले घर गनेर भन्दा पनि खान नपाएका, दैनिक काम गरेर बिहान बेलुकाको छाक टार्ने, जस्तै तरकारी बेच्नेहरूलाई लक्षित गरेर राहत वितरण गरिरहेका  छौ ।’

यस संघै राष्ट्रिय गैर सरकारी संस्था महासंघले देश भरि छरिएर रहेका एनजीओहरुलाई विपदको समयमा आफ्नो समाजिक उत्तरदायीत्व पुरा गर्न ध्यानाकर्षण गर्दै विज्ञप्ति समेत जारी गरेको छ ।