चालु खाताको घाटा २०४ अर्ब ४३ करोड, रेमिट्यान्सको वृद्धि २०.९ प्रतिशत

आर्थिकन्यूज
आइतबार, ०५ जेठ २०७६

काठमाडौं । चालु खाता घाटा २०४ अर्ब ४३ करोड पुगेको छ। नेपाल राष्ट्र बैंकले ९ महिनोको तथ्यांक सार्बजनिक गर्दै शोधनान्तर घाटा पनि १४ अर्ब ६० करोडबाट बढेर ६४ अर्ब ६८ करोड पुगेको उल्लेख गरेको छ ।

त्यस्तै, ९ महिनाको अवधिमा ६ खर्ब ५३ अर्ब १९ करोड रेमिट्यान्स आएको छ । अघिल्लो आर्थिक वर्षको सोही अवधिको तुलनामा रेमिट्यान्स २०.९ प्रतिशतले बढेर ६ खर्ब ५३ अर्ब १९ करोड पुगेको हो । नेपाल राष्ट्र बैंकले मुलुकको समष्टिगत आर्थिक तथा वित्तीय स्थिति सार्वजनिक गर्दै रेमिट्यान्स आप्रवाह सुधार भएको जानकारी दिएको हो ।