चीनले सच्यायो तथ्याङ्क, वुहानमा मृत्यु हुनेको संख्या १२ सय ९० थपिए

आर्थिकन्यूज
शुक्रबार, ०५ बैशाख २०७७

चीन । कोरोना भाइरसको उदगम थलो चीनको वुहानमा उक्त भाइरसबाट मृत्यु हुनेको संख्या पहिला सार्वजनिक गरिएभन्दा झन्डै पचास प्रतिशत बढी भएको खुलेको छ।

चिनियाँ अधिकारीहरूले शुक्रबार वुहानमा कोरोना भाइरसबाट ४ हजार ६ सय ३२ जना मानिसको मृत्यु भएको जानकारी दिएका छन्। यसअघि वुहानमा ३ हजार ३ सय ४२ मानिसको मात्र मृत्यु भएको बताइएको थियो।

१ करोड १० लाख जनसंख्या भएको वुहान सहरमा जनवरी अन्तिम सातादेखि गरिएको लकडाउन अप्रिल ८ मा मात्र खोलिएको थियो।

कतिपयले अझै पनि चीनले आफ्नो वास्तविक आँकडा लुकाइरहेको आरोप लगाए छन्।