अझै तीन दिन प्रिमनसुनी सक्रिय रहने

आर्थिकन्यूज
सोमबार, ०८ बैशाख २०७७

काठमाडौं । केही दिनयता बिहान खुलेको मौसम दिउँसोपछि बदली भएर बेलुकीतिर चट्याङ, हुरीबताससहित असिना पानी पर्ने गरेको छ । अझै तीन दिन प्रिमनसुनी गतिविधि सक्रिय नै रहने मौसमविद्ले जनाएका छन् ।

केही दिनयता प्रिमनसुनी गतिविधि बढेकाले बिहान खुलेको मौसम दिउँसोपछि बदली भएर बेलुकीतिर चट्याङ, हुरीबताससहित असिना पानी पर्न थालेको मौसमविद्ले बताएका छन् । अबको तीन दिन देशका केही ठाउँमा मेघगर्जन हुरीबतास र असिनासहित पानी पर्ने मौसमविदको भनाइ छ ।