निको भएर घर फर्किएका अर्का व्यक्ति पनि अस्पताल भर्ना

आर्थिकन्यूज
आइतबार, २१ बैशाख २०७७

वीरगञ्ज । नारायणी उपक्षेत्रिय अस्पतालबाट डिस्चार्ज भएका अर्का एक व्यक्ति पनि अस्पताल भर्ना भएका छन् । रौतहटका युवकसँगै वीरगञ्जमा रहेका एक भारतीय जमाती निको भएर फर्किएको एक हप्ता नबित्दै फेरि कोरोना अस्पतालमा भर्ना भएका हुन् ।

अस्पतालका एक चिकित्सकका अनुसार उनलाई शरीर दुख्ने, आलस्य हुने जस्ता समस्या देखिएपछि अस्पताल आएकोले आइसोलेसनमा राखेर उपचार थालिएको छ । उनको स्वाब संकलन गरी कोरोना परीक्षण गर्न पठाइएको छ ।

निको भएर घर गएका रौतहटका एक युवकलाई पनि शनिबार राति पुनः अस्पताल भर्ना गरिएको थियो ।