नेपालमा पहिलोपटक ७ वर्षको बच्चामा कोरोना संक्रमण पुष्टि

आर्थिकन्यूज
आइतबार, २१ बैशाख २०७७

काठमाडौं । स्वास्थ्य तथा जनसंख्या मन्त्रालयका प्रवक्ता डाक्टर विकास देवकोटाले आज थपिएका १० जना कोरोना संक्रमित मध्ये एक जना ७ बर्षिय बच्चा रहेको जनाएका छन् । मन्त्रालयको नियमित पत्रकार सम्मेलनको क्रममा नेपालगञ्जका ९ जनामध्ये एक जना सात वर्षको बच्चा पनि रहेको जनाएका हुन् ।

नेपालमा सानो उमेरमा कोरोना पुष्टि भएको यो पहिलो घटना हो । तर, ती संक्रमित ७ बर्षिय बच्चा बालक वा बालिका भन्नेबारेमा उनले केही खुलाएक छैंनन् ।

एकै दिन थप १० जनामा संक्रमण पुष्टि भएसंगै नेपालमा कोरोना संक्रमितको संख्या ६९ पुगेको छ ।