भारतीय प्रधानमन्त्री मोदीले देशबासीको नाममा सम्बोधन गर्दै

आर्थिकन्यूज
मंगलबार, ३० बैशाख २०७७

भारत । भारतीय प्रधानमन्त्री नरेन्द्र मोदीले देशबासीलाई सम्बोधन गर्ने भएका छन् । भारतिय मिडियाका अनुसार मोदीले आज साँझ ८ बजे फेरी देशबासीलाई सम्बोधन गर्ने भएका हुन् ।

आजको सम्बोधनमा मोदीले लकडाउन बढाउने र लकडाउनबाट बाहिर निस्किने सरकारको योजना सार्वजनिक गर्नसक्ने बताइएको छ ।

यस अघि मोदीले सोमबार सबै राज्यका मुख्यमन्त्रीसँग करिब ६ घण्टासम्म भिडियो कन्फेरेन्समार्फत छलफल गरेका थिए । यस छलफलमा धेरैजसो मुख्यमन्त्रीहरुले लकडाउन बढाउन सुझाव दिएका थिए ।

भारतले मार्च २५ देखि लकडाउन जारी राखेको छ ।