नेपाल फर्किन भारतीय क्वारेन्टाइनमा बसेकामध्ये एक नेपालीमा कोरोना पुष्टि

आर्थिकन्यूज
बुधबार, ३१ बैशाख २०७७

काठमाडौं । स्वदेश फर्किने पर्खाइमा रहेका सीमावर्ती भारतीय क्वारेन्टाइनमा बसेकामध्ये एक जनामा कोरोना पुष्टि भएको छ ।नौतनवास्थित माड्रन एकाडेमी स्कूलको क्वरेण्टीनमा बसेका एक नेपालीमा कोरोना पोजिटिभ देखिएको महाराजगञ्ज जिल्लाका चिकित्सक डा. उज्ज्वल कुमारले बताए ।

पच्चीस वर्षीय ती युवक बसेको उक्त क्वारेन्टाइनमा ८२ नेपाली छन् । ती युवक मुम्बईदेखि आएको भारतीय पत्रकार अरविन्दले बताए । रुपन्देहीको सीमापारी रोकिएका एक हजार नेपालीलाई बुधबार नेपाल ल्याउने तयारी गरिरहँदा एक जनामा कोरोना देखिएको हो । रासस