स्वास्थ्यकर्मीलाई दुर्व्यवहार गर्ने युवक पक्राउ

आर्थिकन्यूज
आइतबार, ०४ जेठ २०७७

काठमाडौं । वाग्मती प्रदेश जनस्वास्थ्य प्रयोगशालाका निर्देशक नारायण कार्की माथि शुक्रवार नागढुंगामा दुर्व्यवहार गर्ने युवकलाई प्रहरीले पक्राउ गरेको छ। महानगरीय प्रहरी परिसर काठमाडौं समेतको टोलीले चन्द्रागिरिका उत्तम कार्कीलाई पक्राउ गरेको हो ।

पक्राउ परेका कार्कीविरूद्ध अभद्र व्यवहारको कसूरसम्बन्धी अभियोगमा कारबाही प्रक्रिया अघि बढाइने काठमाडौं प्रहरी परिसरले जानकारी दिएको छ ।

गत शुक्रवार अत्यावश्यक कामले काठमाडौं आएका कार्की माथि नागढुंगामा केही युवाले गाडी रोकेर दुर्व्यवहार गरेका थिए।