रुपन्देहीको क्रिमसन अस्पतालका बिरामीलाई कोरोना पुष्टि, अस्पताल सिल गरियो

आर्थिकन्यूज
सोमबार, ०५ जेठ २०७७

रुपन्देही । सोमबार कोरोना संक्रमण पुष्टि भएकामध्ये एक जना गुल्मीका रहेका छन् । गुल्मीमा कोरोना संक्रमण पुष्टि भएको यो पहिलो केस हो । गुल्मीको मदाने गाँउपालिका वडा नम्बर २ का पुरुषमा संक्रमण पुष्टि भएको हो ।

संक्रमित पुरुष गएको जेठ १ गतेदेखि रुपन्देहीको मणिग्राममा रहेको क्रिमसन अस्पतालमा उपचाररत छन् । श्वासप्रश्वासका बिरामी रहेकाले उनको सो अस्पतालको आईसीयूमा राखेर उपचार भइरहेको छ ।

अस्पालमा उपचाररत बिरामीमा कोरोना पुष्टि भएपछि क्रिमसन अस्पताल सिल गरिएको छ ।